مريضة 60 عام تعاني من ألم شديد بالظهر ورجلها اليسرى بسبب انزلاق غضروفي حاد (غضروف منفجر)
مريضة 60 سنة جالها ألم شديد جدًا في الضهر، وبعده بدأ الألم ينزل على الرجل الشمال لدرجة إنهامكنتش قادرة تتحرك خالص، والألم كان بيزيد يوم عن يوم.
لفّت على دكاترة كتير وأخدت أدوية كتير، ومفيش أي تحسّن.
لما عملت أشعة، ظهر إن عندها انزلاق غضروفي حاد جدًا، وده اللي بنسميه أحيانًا غضروف منفجر، لأنالجزء الداخلي من الغضروف خرج بالكامل جوه القناة العصبية وضغط على الأعصاب.
الضغط ده سبب آلام شديدة جدًا في الناحية الشمال، ومعاه ضعف في حركة مشط الرجل.
الألم مكنش بيستجيب لأي أدوية، حتى المسكنات القوية والمخدّرة ماجابتش نتيجة، والمريضة ماكنتشقادرة تمشي، ولو حاولت تتحرك كانت بتمشي وهي محنية وبصعوبة شديدة جدًا.
بسبب شدة الحالة، كان التدخل الجراحي ضروري وعاجل.
أول ما شوفنا الحالة، تاني يوم دخلناها عمليات، وعملنا استئصال للغضروف الضاغط، وتوسيع للقناةالعصبية، مع تثبيت الفقرات بالمسامير.
العملية كانت صعبة، لأن حجم الغضروف كان كبير جدًا وكان موجود في أكتر من مكان جوه القناةالعصبية وضاغط على الأعصاب بشكل عنيف.
وفي الحالات دي بنراجع كويس جدًا أثناء العملية علشان نتأكد إن مفيش أي بقايا غضروف، وفعلاً طلعكمية غضروف كبيرة جدًا وغير معتادة زي ما واضح في الصورة، وده مش بيحصل في الحالات العادية.
الحمد لله، في نفس يوم العملية المريضة نامت لأول مرة من فترة طويلة، وبعد العملية بساعتين بدأتتتحرك، وحالتها اتحسنت بشكل واضح.
ودلوقتي أمورها مستقرة ومتحسنة الحمد لله
إستشاري جراحة العظام والعمود الفقري