تعرضت لحادث أدي إلى كسر أعلي عظمه العضد (أثناء فتره الحمل)

لما تكون حياة الأم والجنين أمانة في إيدك يبقي ده تحدي كبير👌🏻

سيدة عمرها 28 سنة تعرّضت لحادث أدى إلى كسر أعلى عظمة العضد لكن التحدي الأكبر إن المريضة كانت حامل في الشهر الرابع.

الموقف هنا كان حساس جدًا لأن

▪️ في مخاطر على الجنين من العملية نفسها

▪️ ومخاطر على الأم خصوصًا إن أي تدخل جراحي في الفترة دي لازم يتحسب بدقة شديدة

▪️ والأصعب إن النوع ده من الكسور عادة بيحتاج استخدام جهاز الأشعة داخل العملية وتصوير متكرر مع كل مسمار وكل خطوة وده خطر مباشر على الجنين بسبب التعرض للإشعاع

كنا قدّام تحدي حقيقي:

ننجح العملية

نحافظ على المفصل

ونحمي الأم والجنين في نفس الوقت

الحل كان إننا نشتغل بـ:

✔️ تخطيط دقيق جدًا قبل العملية

✔️ تقليل زمن الجراحة لأقصى درجة

✔️ أقل وقت تخدير ممكن

✔️ أقل تعرض للأشعة

وبفضل الله:

▪️ العملية اتعملت في وقت قياسي حوالي 38 دقيقة

▪️ تم تثبيت الكسر باستخدام شريحة ومسامير

▪️ اتاخدت صورة أشعة واحدة فقط أثناء العملية

▪️ مع استخدام طبقة واقية من الرصاص علي الأم أثناء الأشعه لحماية الجنين

▪️ مفيش أي أشعة تانية اتاخدت لا بعد العملية ولا أثناء المتابعة

بعد العملية:

✔️ الحالة كانت مستقرة جدًا

✔️ بدأنا حركة اليد من الأسبوع الثاني

✔️ خلال شهر ونص رجعت الحركة بشكل طبيعي جداً

✔️ تم استخدام أدوية بسيطة جدًا بما يتناسب مع الحمل

والأهم:

الحمد لله المريضة كمّلت حملها بأمان

وولدت طفل سليم ومعافى تمامًا 🤍

بعد الولادة بأربع شهور (حوالي 9 شهور بعد العملية):

✔️ الأشعة أوضحت إن الشريحة والمسامير في وضع ممتاز

✔️ الكسر ملتئم بشكل كامل

✔️ والمريضة حالتها ممتازة بدون أي مشاكل

حالة بتأكد إن:

الدقة والخبرة والقرار الصح في الوقت الصح بيعملو فرق كبير🤍