عده كسور بالساق (سيجمنتال) أثر تعرض لحادث موتوسيكل شديد

مريض تعرّض لحادثة موتوسيكل شديدة نسبيًا، نتج عنها كسر من النوع اللي بنسميه سيجمنتال، يعنيالعظمة كانت مكسورة في أكتر من حتة

‏(Segmental fracture of the tibial shaft).

المريض اتنقل في البداية لمستشفى تانية، وطبعًا في الحالات دي أفضل اختيار علاجي بيكون تركيبمسمار نخاعي، لكن لظروف إحنا مش على دراية كاملة بيها، المسمار النخاعي ما تركبش، وتم الاكتفاءبتركيب شرائح ومسامير.

للأسف المريض فضل يعاني لمدة سنة كاملة، وبعدها قرر ييجي العيادة عندنا. وقتها كان موجودشريحتين طوال في الساق، ومعاهم مشاكل كتير، أهمها إن الكسرين – العلوي والسفلي – ما حصلهمشأي التئام طوال السنة دي. المريض ما كانش قادر يدوس على رجله خالص، وكمان كان في اعوجاج فيمشط القدم، والمشط كان لافف لبرا، والعوج ده كان ناتج عن العملية السابقة.

وبكده إحنا كنا قدام أكتر من مشكلة في نفس الوقت:

• كسرين غير ملتئمين

• شرائح ومسامير كتير

• التصاقات شديدة

• ضعف شديد في العظمة بسبب طول فترة عدم التحميل

• اعوجاج في مشط القدم

الخطة العلاجية كانت لازم تعالج كل المشاكل دي مع بعض، فتم:

• إزالة كل الشرائح والمسامير

• فك الالتصاقات المتكوّنة

• تنظيف الكسور وتجهيزها بشكل سليم

• تعديل وضع مشط القدم وإرجاعه للوضع الطبيعي

• التثبيت النهائي باستخدام مسمار نخاعي

• وضع رقعة عظمية للمساعدة على الالتئام

والحمد لله، الحالة مشت بشكل كويس جدًا. المريض قدر يثني ويفرد الركبة من تاني يوم بعد العملية،وبدأ يحرك مفصل الكاحل، ويمشي على الرجل السليمة. تم تأخير التحميل على الرجل المصابة شويةلأن العظمة كانت ضعيفة نتيجة فترة طويلة من عدم الاستخدام، لكن بعد شهر ونص بالظبط، المريضقدر يدوس على رجله ويمشي بشكل طبيعي.